地理問題？
隨着高鐡和港珠澳大橋通車，中港在地理上高度融合，幾無障礙。
但一方是十四億潛在旅客，而另一方是七百萬走不了的居民；一方是一國下的其中一制，而另一方則是另一制。當這兩個規模和狀況差異極大嘅地方在地理上再無障礙，如果政策和配套上唔把好關，結果喺乜？香港作為受壓點，輕則跳制，重則壞死。
當日估大橋開通初期每日交通量可以去到萬四，配套容量起碼應設計到萬八，現在幾千就攪成咁，政府可否講解一下，在政策和配套上做咗啲乜？究竟諗漏或估錯咗乜？
唔好混淆因果，政府職責是確保政策和配套設計做得夠resilient，能在「絕大多數情況下都頂得住」，評核標準係睇結果，唔係睇原因：違規旅行團只是因，而「交通量遠低於預期都頂唔住」是結果，如無合理解釋，便算失職！失職唔落台，算。但可否真心誠意認句低威，點解淨係識得叫香港人體諒和好客？
就算幾好客嘅酒樓，客滿之後就要攞飛等位。當名店客量達到預設容量時，一樣要其他客人在門外排隊，以免影響服務質素。莫非港府連酒樓名店都不如？
Search